泰屋 (東成里) (已結業)

太夜放工所以赶唔切去泰屋食，亲戚有心地打包左每道菜给我，摆得好靓添。咖喱羊肉煲其实几好味，咖喱重香料味，羊肉唔骚，略辣，食到底系红色辣油啰，食完好口渴。炸春卷同甜包（？），春卷已经淋哂，不予置评。我都唔知呢旧甜面包其实系咩黎，入面有啲粟米红萝卜粒咁，甜同硬，个感觉有啲似食紧牛脷酥。串烧猪肉，劲硬劲干，好似食紧猪肉干……薄饼普普通通，唔油略硬，由于咖喱太辣，点左串烧嘅沙嗲酱食，个沙嗲酱好好味，基本上同沙嗲王个味劲似。泰式炒饭，有提子干，鱿鱼，花生，菠萝粒等，甜嘅炒饭我唔buy，而且个饭好漏，食两啖已经唔想食。可能现场食会好味啲挂，不过唔就脚同价钱嘅关系，我无下次啰。