萬發海鮮火鍋菜館

营业中

休息中

唔想出街食饭唯有叫外卖，成日都帮衬依间中菜馆，D小菜够镬气，就算外卖都好好食，卖相又靓，朋友未食过都话好食。豉椒鹅肠$118好惹味，鹅肠肥美爽口，送啤酒一流。瑶柱琵琶豆腐$118 原来琵琶豆腐系鱼肉加豆腐再炸再打芡，芡汁加左好多瑶柱，份量好多好抵食。万发小炒皇 $128炒得好香唔油，入面有脆卜卜既腰果、虾干、鲜鱿、菜脯，送啤酒一流。梅子蒸排骨$118梅子酸may may好开胃，排骨蒸到啱啱好唔会韧好淋，好多肉。酥炸南乳骨$118好香南乳味，炸到好脆仲有肉汁唔会干，送饭一流。金银蒜蒸胜瓜$88面头有好香既炸蒜，胜瓜超多汁好有味。