興旺廚房

营业中

休息中

番工咁攰，买几个𩠌番屋企就唔使煮。 呢度都有好多款𩠌拣，出街食野最烦系冇咩菜食，呢度海鲜、肉类、蔬菜都齐晒。 叫咗5款，豉椒炒肥蚬、黑椒牛仔骨、冰梅酱猪扒、口水鸡、 鱼香茄子，每一份份量都唔少👍🏻豉椒炒肥蚬非常惹味，只只蚬都又大只又新鲜。黑椒牛仔骨几重黑椒味，又有啲青红椒做伴菜，牛仔骨都有几多肉，而且食落好嫩唔会柴。冰梅酱猪扒猪扒厚身又够淋，冰梅酱食落酸酸甜甜，又有啲梅子味，几特别。口水鸡鸡件好嫩滑，辣度啱啱好。鱼香茄子茄子唔会煮到软烂晒，食落又唔算油腻，捞饭一流！