可可豬海南雞專門店 (寶榮大廈) (已結業)

Cocopig开完会太攰，懒得煮，决定买外卖番屋企食。听朋友讲呢间Cocopig 海南鸡饭都几好食，又近地铁站，方便买完搭车。 拣左药膳醉鸡饭同椰香海南鸡饭，加埋小食麻辣鸡肾同秋葵。埋单都系$146， 都几抵食。药膳醉鸡系冻食，打开劲香花雕酒味，上面仲有块北芪，重料药材味，滋阴补气，鸡肉又嫩滑。到我最爱既海南鸡饭，无骨啖啖鸡肉，加埋海南鸡酱，少少酸辣，好开胃。配既唔系平时食开既油饭，系椰香饭，甜甜地，椰香味浓，好有马来西亚特色。麻辣鸡肾都唔错，辣味适中，鸡肾爽口惹味，份量都唔少。秋葵就清甜新鲜，简单配豉油都好好味。