唐記包點 (安富大廈)

营业中

休息中

路德围果然系荃湾嘅美食天堂，想扫街梗系嚟呢度啦。但系路过荃湾又赶住返工嘅情况下，最紧要快靓正，嗱嗱林买少少野返去先至慢慢食！原来唐记依家除咗蒸包蒸饭之外，都出咗唔少新产品。虽然蒸包系健康啲，但系今日想食香口啲嘅煎包，价钱唔贵之余，卖相都唔错，个个都胀卜卜，求其执咗三件返公司先慢慢食。香煎牛肉包煎包最香口，新鲜出炉热辣辣，个包好软熟， 牛肉馅入边仲有啲洋葱，好多肉汁而且味道啱啱好。香煎韭菜包韭菜嘅香味唔系人人岩，但呢个包就啱晒钟意食韭菜嘅朋友。一咬落去啲韭菜味已经涌到出嚟，加埋少少肉系到点缀吓，啱晒注重健康又唔想食啖啖肉嘅朋友。煎饺子🥟系白菜猪肉馅， 香口得黎入面好多肉汁，而且饺子够大只， 又唔油腻，买三只做下午茶小食就岩岩好。糯米鸡估唔到入面咁足料，收埋左鸡翼叉烧冬菇腊肠等材料。最欣赏都系糯米够干身，唔系湿立立林啤啤果d口感，一只都够晒饱，大件夹抵食。