越食 (景林街市) (已結業)

景林街市装修之后多左条小食街，今日天气好热唔想煮饭，落楼下买左个2人餐几抵食又大份。$120/2人餐，有2碗粉面、3个小食、2杯饮品同2个甜品。。粉面我地择左「香茅猪排捞檬粉」同「猪颈肉汤河」，捞檬粉几岩夏天食，大大份又凉凉地，加上越南酸汁好开胃，檬粉煮得岩岩好唔会太淋身，爽爽地咁。猪颈肉汤河汤底好唔错，好香牛骨味，猪颈肉切得够薄又整得几惹味。。小食个人觉得好抵食🤣包3种小食，仲要份量咁多，我地择左香茅猪排 2件、香茅鸡翼 5只、越式虾饼 3件。样样都好食，香茅味惹味，尤其系虾饼，仲食到啖啖虾肉！。最搞笑系第一次食越南style甜品，椰香眉豆糯米粥同椰香糯米玉米粥，个人钟意椰香糯米多啲，椰汁味重，雪冻食好解暑。。饮品仲可以择冻野🙏🏻冻柠茶+冻柠檬西洋菜蜜。