可可豬椰香海南雞專門店

营业中

休息中

外卖最方便 十字路口海南鸡店可可猪椰香海南鸡专门店今日又系落大雨嘅一日,唔想走去街市买𩠌自己整啦附近整个外卖啦，记得有一次经过马头围道过去鹤园街呢一个十字路口，有一间系专食海南鸡嘅外卖餐店！一于近近地今日行过去啦！首先真系要讲吓个门面 ，点餐处同取餐处分开咗两边 ,咁啲人就唔使迫埋晒一齐 。净系呢一点就知道店主系一个好细心同有要求嘅人!除咗简单整洁嘅装修之外，佢仲设置咗一部八达通点餐机，一般做外卖嘅小店好少会有㗎...点左一个特色椰香海南鸡饭打开个盒第一时间就食旧鸡先啦𠮶旧鸡好滑...肥瘦适中...呢一点先取一分！海南鸡呢一间我觉得有水准！日式胡麻酱手撕鸡冷面-呢一味𩠌虽然都系鸡，但系佢手撕鸡𠮶啲肉明显比海南鸡𠮶啲瘦d，啱晒依家大众健康饮食嘅要求！仲有一个蒜泥白肉，超正呀！ 唔识形容嘅好味道！总之就肯定好食过成日去食米线𠮶间啦⋯⋯仲有一杯叫热情丰盛，主要系见个名几有趣所以买杯嚟试吓，里面有热情果杞子青柠,系几好饮嘅！