任你點車仔麵 (已結業)

呢日病病地，原本想去买粥同肠粉，但系去到舖头嘅时候见到呢间任你点车仔面响隔离，之前未食过，所以又想试下。睇完menu最后决定都系买个外卖试下啦！佢嘅食物分咗几个价钱，面底又有一个价钱，逐样计上去，我叫咗温泉蛋，潮州鱼蛋，香甜萝卜，总共$38。佢外卖成本都几高，胶盒用料好实净，之前都未见过呢个款嘅外卖盒，盒内分两层，汤同面分开，当然我个温泉蛋都唔会放喺汤入面啦，鱼蛋同萝卜就浸响汤入面。温泉蛋做得都几好，同拉面店差不多。鱼蛋就略嫌有点松散，始终比不上传统潮州面店。萝卜又真系几甜。我拣咗河粉，其实都几大份。唔知系咪因为病嘅关系，我叫咗清汤底，真系觉得好淡而无味。