餃掂手工餃子雲吞專門店

湾仔庄士敦道有好多平民又不失美味嘅嘢食，呢间饺掂系香港好多分店，湾仔呢间今次都系第一次食。宜家晚市只有外卖，我就买左呢啲番屋企食。龙凤松茸双煎饺 $86，一开盖已经闻到超强烈嘅松露味，真系不得了！食落都依然重味，味道同传统饺子猪肉馅都好夹。至尊松茸猪肉汤饺 $73，呢款只有松茸，食落爽口，原来松茸系有好高营养价值架。四川凉皮 $32，点左少辣不过都系几辣，主要系用辣椒加少量醋捞起，口感就系好软身嘅薯粉。黄金原味皮蛋$28，个黄仲系流心架！野味酸辣云耳$25，呢个够酸，我钟意！秒速清光。豆浆 $15，系支装豆浆倒出黎嘅，味道正正常常，无过甜。总体非常好，番到屋企都质素依然。注意外卖每件食物加$1。