燒烤工坊 (已結業)

间中都会想食串烧，但系一个人总系好难可以叫到嘢食咁，尤其是要喺街度食，就更加难。最近发现呢间串烧店原来买外卖都唔错，一个人食都冇问题。呢间烧烤工房除咗可以食串烧之外，仲有海鲜粉可以食。秘制海鲜粉丝可以拣麻辣或者蒜蓉味，每款$58 ，选择三款海鲜，我就拣咗青口、海虾、花甲呢三款。外卖嘅时候店员会将粉丝同埋海鲜汤分开摆，咁就唔惊返到屋企啲粉丝索晒啲汤。另外我都拣咗一啲串烧，安格斯牛柳粒嘅味道唔错，肉质唔会太韧。另外猪颈肉都好抵食， $13一串。呢间店舖嘅位置其实并唔系喺旺角，而系比较接近佐敦，喺庙街附近，所以想去食嘅朋友就记住要去佐敦啦！