雞吧

营业中

休息中

朋友最近介绍，话系石门开左间炸鸡好好食，叫我试下。平时要我专登过去石门就真系有啲难，不过现在屯马线开通左，所以今晚收工就坐地鐡去石门站买炸鸡外卖番屋企食。去到京瑞广场一期上两层电梯转右就到，我地点左大半半炸鸡 $138 一个价钱可以食到两种风味。我钟意食辣所以就点左火辣熔岩炸鸡，另一款就点左雪山芝士炸鸡。羊肉卡巴都几热门，好在还有，可以跟餐，就跟左小食地瓜球。另外再点了一份蛋饼。多人既话叫4人6人8人套餐都好抵食，价钱$359，599，699。炸鸡有分大中细，细既就$58-62，中既就$88 - $108，大既就 $118-138。番到屋企当然第一时间就影相打卡，半半炸鸡每样有8件共16件鸡，份量10足。跟住当然食炸鸡，火辣熔岩够晒辣，岩晒爱辣既我，但怕辣既就不太建议。芝士够晒多钟意食芝士既一定要选。羊肉卡巴，满到泻既羊肉，好有羊肉味，肉肥肥地，有肉汁。蛋饼几有惊喜，肉松好多。地瓜球流心，好好味。