金記冰室 (八號花園) (已結業)

今日端午节，我就喺外卖app𠮶度order咗一个咖喱牛腩饭单嘅外卖。点知送到黎一打开放白饭嘅外卖盒，就见到白饭里面夹杂左包装废纸！虽然我心知不妙，但由于太肚饿嘅关系，只系将包装废纸拨走之后进食… …所以我想请问吓餐厅嘅负责人，点解可以任由员工将废弃嘅垃圾包装连同白饭一并装入去外卖盒上？再加上现时疫症横行，唔系应该更注重卫生令食客食得放心咩？贵公司嘅卫生情况令人堪忧！今日本应该系普天同庆嘅日子，但因为呢件事情令到就算系难得嘅假日心情都欠佳，依家进食后仲要担心会否上吐下泻！本人并唔系诸多挑剔而系认为一间餐厅确保食物安全嘅质素应该放喺第一位！