譚仔三哥米線 (逸東商場)

营业中

休息中

虽然次次买谭仔外卖都要等到火都嚟埋，今次由消防局落车已经打电话外卖，然后去到舖头俾钱，最后都要等成20分钟。其实店内并不是太多客人，而门外只系小猫三四只等外卖，唔明白点解次次都要等好耐。今日先知道，原来谭仔终于装咗PayMe ，付款有优惠。今日叫咗个3𩠌米线，1个小食同饮品，埋单$ 73 都几贵下。鸡肉金菇猪润三哥酸辣汤底 $48叫咗少米线，一嚟怕自己食唔晒；另外知道由早几年开始少米减一蚊，三哥就会捐一蚊比「小母牛」，助贫困农户走上自力更生的脱贫路，食米线既同时又做到善事。不过今日叫少米就真系得好少好少米线。一向只食(重庆)三哥酸辣汤底，今日个汤底略嫌咸咗啲。另外印象中个汤底有其他配料好似榨菜𠮶啲，但今日只有辣椒皮，偷工减料，得个咸字。蒜泥白肉 $ 23 (外卖自取加配优惠)日渐缩水既白肉，薄郅透光，只能浅尝。冻柠水明明叫咗少冰，最后成品都系冰多到督唔到，真系chur 2啖就冇咗一直以来都系谭仔fans，依家除咗价钱越来越贵，份量越来越少，出菜越来越慢之外，唔知未来会唔会更差。