黑山食堂 (已搬遷) 新店位置

夜晚7:00去到，叫个咖喱蛋包饭同黑山玉子烧，话要等15分钟，得一个厨又要做堂食又要做外卖，结果等到7:30至有得拎😔返屋企先打开咖喱蛋包饭，个咖喱同蛋分开放，呢个细心位值得赞。咖喱系日式咖喱砖/包煮出黎，中辛，加几粒细薯仔同红萝卜，食到有一粒牛肉咁大把，味道就同我自己喺屋企煮咖喱包无分别。个蛋炒得几靓，入面有少少流心，亦都够蛋味，唔错。接住落黎系黑山玉子烧，个卖相唔错，放一旧入口 - 咁甜既，如果系雪冻左既玉子寿司减低甜度就好食，但玉子烧热食黎讲真系太甜，如果系落多左糖或少左鲣鱼汁就要调较下份量。我自己喺屋企间中都整，材料都系蛋+糖+(酱油+味醂)/鲣鱼汁放落pan煎，最重要掌握个火同卷既手势，试多几次就成功，不过我无方形pan整唔到佢咁靓既卖相，但自己整就一定无佢整得咁甜。试左呢两样野都系简单野可以自己喺企整，$68贪新鲜或者懒煮一试无妨，但又唔觉得佢比我自己整得好食好多，所以还是自己煮吧。