金記冰室 (八號花園) (已結業)

通常屋企冇饭开都会系附近买外卖返屋企开餐，是日又去咗平时都有食开嘅饭堂金记冰室买外卖食系餐单上已有多款选择同精选晚餐供应，拣了一款秘制咖哩牛腩饭同精选晚餐味菜炒牛肉，套餐附送白饭，老火汤连餐饮，买完都要系门口等候，咁啱又系晚饭时间特别多人外卖，终于都攞到返屋企准备品尝一餐美食先饮碗是日老火汤系莲藕虫草花罗汉果，再来系呢款味菜炒牛肉已闻到阵镬气嘅香味，牛肉肉质够晒嫩滑沾满豉椒汁香味再食件酸甜又开胃味菜，一齐放系饭上一啖𩠌一啖饭特别惹味到另一款系食极都唔会厌嘅咖哩牛腩饭，最紧要分开盛载上确保食到原汁原味每件牛腩都有咁上下份量食落口感十足，连埋脆炸薯仔同浓郁惹味咖哩汁再淋上饭一边食够晒刺激，饭后再叹番杯香滑热奶茶咁就最佳嘅配搭。