鰹烏冬 (LT Tower) (已結業)

见评价好似唔错，上星期就叫左个咖喱乌冬（+骨付鸡）外卖试试，喺openrice12:20落order,之后12:35分上到去见好多人排队，唔紧要，企埋一边等（不过走廊等果个位真系好焗好热）点知等到12:45分都未得，但openrice app显示已经ready。期间见到有两三个上到黎先叫外卖嘅人都已经拎得野走左。之后我就企入间舖出外卖果位等，我张单系T7，见到隔离有个T8单嘅人都好心急，大约1点钟，佢就追问职员得未，然后佢就直接show张单俾厨房位嘅职员睇，果个职员就周围望望，喺一堆盒中揾到T8果个外卖盒，执两执就交货俾T8果个人⋯我见到咁嘅情况，当然都照做，show单俾厨房睇，佢又揾一轮，执一轮就俾我，时间已经系1:12分。最惨系件事仲未完，我攞到番公司，一开，得个净乌冬，件鸡唔见左，即刻打上去问，个职员就问我仲要唔要件鸡，但要起码等到2点⋯大佬，我唔驶番工咩，就话唔要，佢就话安排退钱，仲话之后叫人联络番我。但到左呢一刻，都无人揾我，就系咁，我俾左$81，等左接近成粒钟，只系得个净乌冬。