爆丼屋 (已搬遷) 新店位置

自己不嬲都好钟意食日本菜 ，见到呢间以前食开嘅爆丼屋 外卖自取有八折优惠 一于就买两个丼饭返去食！叫咗个冬季限定嘅松叶蟹丼 同埋六重相扑爆盛丼每个丼饭已经在包含两碗好足料嘅味增汤 松叶蟹丼有蟹足同蟹爪 中间仲有一啲吞拿鱼茸喺入边 非常新鲜 蟹爪大大条 总共有成五六条 再配上蟹肉食 鲜甜嘅味道喺口中爆出钟意食蟹嘅不能错过！另外个六重相扑爆盛丼 放咗极多三文鱼子再加上左口鱼裙边丶牛油果丶海胆丶蟹肉同黑鱼籽 外观上非常鲜艳美丽 海胆新鲜～三文鱼子饱满又多汁 牛油果不苦 再加上已经火炙过嘅左口鱼边 油脂迫晒出嚟 非常满足！趁而家外卖有八折 下次试吓另外几款先 ♥️