亞萊泰 (T Town North)

营业中

休息中

由于晚上无堂食，宜家外卖自取六五折觉得好抵，于是夜晚试三样野。预先打左电话去叫外卖，去到唔洗等~猪颈肉$68，配个甜甜酸酸微辣既酱汁，系好夹！个酱真系一流，少少似鱼露，块块肉都好厚实，好重炭烧香味，份量都好多下，有十几旧，好食！无骨猪手$68，好滑好软、入味，不过偏淡少少。而且都好大旧，好满足。底下配有些菜垫底。鲜虾炒金边粉$68，有四旧大虾、花生碎、豆干、芽菜、蛋碎、韭菜、好似仲有少少洋葱，甜酸既炒粉好开胃，系好味既！三样野都系$68，都几满意，不过最高分我认为系炭烧猪颈肉！点酱食送饭无得弹~~外卖加盒，折左总共$207三样野，抵食既！有下次呀~而且打去叫外卖，接听既个位员工好好礼貌，把声好温柔同有耐性。