囍越 (將軍澳中心)

营业中

休息中

继续外卖放送，之前食过囍越，食物质素唔差，朋友话我知最近做紧6折外卖自取，真系平到难以置信😝《烧肥牛配烧猪耳扎肉酸菜冻檬粉 $72》份量好足！肥牛唔干唔老，猪耳爽脆，扎肉3块口感扎实。捞埋一齐，再加鱼露，酸酸甜甜好好食。《烧香茅猪扒汤粉 $68》目测香茅猪扒有7-8件，本身亦好大块，腌料香而且好足，肉质唔会整到又干又硬。《菠萝海鲜炒饭 $98》菠萝另上几细心，香甜多汁，忍唔住偷食左2件😝海鲜亦不少，饭粒有烟靱咬口。《马拉盏猪肉松炒饭 $84》好重咸香味，带有少许微辣，酱汁均匀包裹著每粒米饭，加埋猪肉碎、香葱、九层塔，味道丰富得来好有层次。《香茅鸡翼冻檬粉 $78》呢个系咁多款里面最普通既一款。鸡翼3大只，但炸浆有d厚身同淋左，幸好肉质嫩滑，算多肉汁。