傷心酸辣粉 (科學館道) (已結業)

外卖自取套餐有八折，$222。 呢个真系好抵食，两个食到饱。水煮鱼，酸辣土豆丝，口水鸡，加钱转咗两个薯粉加酸 。仲有两杯饮品。阴公真系好平。呢个水煮鱼好够麻，辣得上嚟个口会麻。好正好多料，又有芽菜， 芫茜，青瓜 。水煮鱼里面嘅宽粉先至系亮点，好烟韧，好滑，挂晒啲麻辣汤。 好钟意索佢个宽粉啲辣汤。好似多多都唔够食咁。虽然系龙脷柳，但系都几滑。王牌口水鸡， 鸡唔系好滑。但坚多花生，我反而食花生多过食鸡。 土豆丝好爽，亦都系酸酸辣辣十分惹味。买到返屋企都仲系热辣辣。佢个汁都唔算太油。加咗钱转成薯粉，加酸。好正好开胃，配料超多。大量花生，芫茜好似唔使钱咁😂