丸亀製麵 (悅來坊)

营业中

休息中

丸龟制面喺正屋企楼下，但平时比较少食，因为价钱偏贵，性价比唔算高，但遇上foodpanda做promote就成件事唔同晒。今晚叫咗个温泉蛋明太子拌乌冬套餐，辣辣地嘅明太子酱加埋鲣鱼汁，乌冬面亦都系烟烟韧韧，成个组合系好奇妙，套餐包一个小食同饮品，我哋拣咗炸鱿鱼须同日本茉莉茶，另外再可以特价追加一串炸鸡。第二个乌冬唔系餐，系散叫嘅蕃茄牛肉乌冬，由于好钟意食炸鱿鱼须，就额外叫多一份。适逢foodpanda十周年做特价，指定餐厅有半价，丸龟系其中之一，再用埋一张外卖自取六折优惠券，以上咁多嘢总数只系69蚊！啲嘢食攞到返屋企仲系好热，尤其炸鸡同炸鱿鱼须，竟然又热又脆，呢个真系惊喜。