荳子 (大埔超級城D區)

营业中

休息中

无晚市堂食接近两个月，除左食妈妈住家𩠌或者颓食两𩠌饭，有时都可以叫下外卖，Beans想试好耐，之前行过德福都见有人等位，见Openrice外卖自取有七折，即订啦！落单后等大概一个钟先有得拎，之后又行左大概廿分钟返到去，结果食物已经冻冻地。（所以可以的话，真系贵啲都要去食堂食！）沙爹酱烧乳猪肋骨，菠萝蔬菜挞 $117 配饮品，都几大份，同平时其他餐厅食到既RIBS唔同，呢个沙爹酱系另外点，无咁浓味，食落好似无咁肥，自我感觉良好。而个菠萝挞卖相几靓，几好食。巴基斯坦咖哩羊肉薄饼配薄荷乳酪酱 $82配饮品，虽然冻左但唔会太硬，味道偏浓，个酱就似奶膻味，加埋羊肉味，都几重口味。另外加配黑松露酱薯条及羽衣甘蓝藜麦沙律各加$17，黑松露酱正，配粗薯条都正，可惜冻左淋左，如果热辣辣又脆口一定加分！沙律就无乜特别，藜麦唔系好多，不过当菜食所以都可以接受。孜然单骨鸡翼 $37/8pcs 味道唔错，只系差左温度。