銘興山西刀削麵 (黃埔新邨) (已結業)

今日见可以喺app外卖自取，就谂住试吓。平时太多人排长龙，都无入去食过。我叫咗两样嘢，一碗面同一份醉鸡，拎走𠮶阵见到个袋入面有一碗同一盒，于是就拎走。返到屋企，拆开先发觉𠮶盒嘢原来系猪软骨嚟，冇咗盒醉鸡（醉鸡贵过碗面少少）。再望吓张电脑飞，净系打咗猪软骨刀削面，下面就被搣走咗。已经唔系人手，用app落单啦㖞，张单唔系直接print出嚟嘅咩？同埋叫得𠮶两样嘢，都可以Miss咗一样？即系得50%准确。我好彩，住得近，麻烦极都可以落多去一转，住得远会忟爆。繁忙时间人太多，做唔切，不如考虑暂时Off左个外卖自取Mode，唔好接单。要求落单正确应该都系好基本挂，咁都达唔到，真系好难介绍呢间食店俾朋友。唔care任何服务质素嘅人除外。