本立堂 (已結業)

差唔多次次去听福音午餐会都系帮亲永乐园，唔想食黎食去都系果度同果几味，咁o岩见到本立堂外卖自取便当35蚊一客送汽水一罐，每日都有2款优惠，是日系星期二，有吉列猪扒饭同酱油拉面拣，我同同事都系食吉列猪扒饭。我订左12:45PM自取，我都差唔多成1点先开始食，当初我担心D吉列猪扒会同唔脆，尤其系用饭盒载，D蒸气令吉列猪扒变软晒，幸好食果阵，吉列猪扒仲好香口、好脆，D吉列脆皮冇好似居酒屋和民咁，一夹就散。本立堂仲提供D汁酱蘸猪扒同生菜丝，但佢地系用好迷你的袋仔袋住D汁，又冇封实袋口，D汁酱一攞出黎已经成手系汁，非常不合衞生，我相信盛载容器系可以改善。蘸左猪扒汁令吉列猪扒味道更可口、突出其味道。生菜丝落左沙律酱，生菜更清新、更清爽。整份便当份量尚可接受，饮埋罐汽水即刻饱晒! 下次再encore~