八方台式麵屋 (愉景新城)

营业中

休息中

今日超大雨，经过诚品书店睇咗阵书，就决定喺诚品入面呢间八方台式面买两个外卖返屋企食。套餐有好多选择，今次叫咗台式肉燥面拼师大香酥猪扒，肉燥入口即溶，肥瘦均匀，唔会觉得好油腻。最惊喜系猪扒好大块，有手掌咁大，炸得香脆，腌得好入味，一啲都唔干身，咬落去好Juicy。另外一个餐我就叫咗花枝丸蕃茄面，可以免费转新竹米粉，同埋配煎饺子。我钟意佢外卖会将啲汤同面分开，返到屋企食啲面都唔会俾啲汤浸林晒。蕃茄汤够浓郁，酸酸甜甜好开胃，花枝丸好弹牙爽口，至于饺子个皮够薄，咬落仲有肉汁！套餐仲有杯嘢饮，推介金青茶王，味道好清新，食完浓味嘢饮就啱啱好！总体来讲呢间餐厅性价比好高！