敏華冰廳 (珀御)

营业中

休息中

是日外卖早餐，点知个煎蛋入面有只小小强🪳，打去舖头叫佢换个盒比我并要求送上门，接电话个阿姐竟然问我：你系咪打开先见到有小强🪳？唔打开点会见到只小强🪳呀！阿姐话：依家好忙，我地唔会送过去，你自己过黎换啦！What！依家你舖头d野有问题，新做一份并送过黎都唔过份吧！你以前pack漏野都会送过黎，个阿姐急急脚话佢唔知道，跟住揾左第二个阿姐黎听电话。第二个阿姐叫我过去换过，或者下次个餐整多份比我。依家系你d野有问题呀，态度好d好唔好！一句唔好意思都冇！我食少个煎蛋唔紧要，我晏昼拎返去比你！晏昼拎返去敏华舖头，收银个阿姐竟然问我依家要换d咩比你？！请问依家几点？！我仲要你换份新既煎蛋比我做咩？一句唔好意思都冇！仲话听唔明咩有小强🪳，我好大声话，你地既外卖入面有小强🪳呀！！！个阿姐最后退左份煎蛋钱$6比我。一句唔好意思都冇！！！有冇搞错呀！你地厨房卫生真系好差呀，竟然有小强🪳系食物度！要打去食环署投诉你地食物不洁！