大灰熊廚房 (裝修中)

前两日去开将军澳，夜晚想买啲中式小菜返屋企食，上网search完一轮，见到呢间大灰熊厨房好似几多好评，就买左个优惠家庭餐返屋企做dinner。优惠家庭餐（2位用）$188任选两款小菜，我拣左蒜蓉粉丝蒸胜瓜同埋土匪鸡翼。蒜蓉粉丝蒸胜瓜用黎配白饭一流，好浓嘅蒜香味，粉丝弹牙，好入味，胜瓜多汁。土匪鸡翼拎到返屋企依然不失香脆，好香孜然味，食落好有新疆烤肉嘅风味。鸡翼系单骨鸡翼，食用方便。汤或羹任选一款，我拣左番茄肉片汤，好足料好多番茄同肉片，味道香浓。肉片煲完汤都几嫩滑。另外仲包两杯热饮同埋两碗白饭，价钱都算抵食。另外为食嘅我都加左份$38嘅凉拌青瓜。充满麻香而又唔会太辣，清新而惹味。整体黎讲，外卖嘅质素都几好，感觉唔会比堂食逊色。等外卖嘅时候见到有得喺foodpanda落单，如果大家有兴趣都可以试下。