小清邁 (柯士甸大廈)

营业中

休息中

今日经过尖沙咀附近见到一间泰菜外卖店，就顺便买外卖返屋企食。店名叫小清迈，餐牌简单，主要系各种泰式饭河粉，价钱亲民，大概$50-$70左右，配可乐加$6，配咖啡/茶/龙眼水加$10，青柠梳打/珍多冰/三色冰就加$18。主餐牌有饭类，主食类，蔬菜类，小食，串烧类，甜品，饮品。泰黄咖喱炒软壳蟹 $158店员介绍呢个泰黄咖喱炒软壳蟹好食，就试吓啦。软壳蟹即叫即炒，我哋去到九龙公园坐低食，都仲系热辣辣。脆口软壳蟹原只一开二，足有三只，抵食，都仲脆脆地！黄咖喱超热，味道又滑又香，完全唔辣。蔬菜配料好多，有西芹，红灯笼椒，洋葱等，吸左啲汁，味道好好，仲有好多滑溜蛋白。斑兰千层糕 $40斑兰千层糕一客6件，店员特登先将斑兰千层糕整热，然后同热咖喱放埋一齐保温，好细心。食嘅时候仲暖，质感滑溜弹牙，闻到好香斑兰植物味，食落又有梛香，冬天食好正。炸虾片 $25顺便买咗一大包虾片返归食。店员态度友善，服务态度好好。今餐食物好唔错，外卖都食到堂食水准。