影片
更多
2023-02-25
170 浏览
而家好多地方都开咗Freshlane，云集咗唔同高手在内，呢日去开旺角又开App睇吓，就见到有间叫「CHEF'š LABS」。菜式选择都几多，而且亦有做到会服务。食物即叫即整，热辣辣送上，份量都几多，但当然价钱就唔算好平。松露野菌忌廉汁扁意大利面($78)，扁意粉面条弹牙，松露野菌忌廉汁惹味得嚟，一啲都唔觉漏，佢另外仲加咗大量杂菇同洋葱，即使无肉都唔觉单调。普罗旺斯式蚬意大利饭($88)，意大利饭口感正宗，即系有少少似生米，而唔系单用汁煮到湿晒。蚬选用大蚬，蚬肉鲜甜肥美，其他配料仲包括多种杂菜粒。菠萝干咖哩烧鸡墨西哥烤饼($58)，墨西哥烤饼一客有六件，烤饼皮软熟，馅料层则唔算厚。菠萝干味道盖过咖哩味，所以整体偏甜，有啲似凤梨酥咁，我个人希望咖哩味重啲。脆蟹肉薯丸($68)，炸脆薯丸外层脆卜卜，咬开真系见到一丝丝蟹肉，算真材实料，反而薯蓉就唔系塞到满。如果唔想干身，可以沾酱食啊。 总括嚟讲，外卖都食到精美西餐🍽，食物质素同卖相都唔会差过餐厅。不过扒类同海鲜𠮶啲，我就感觉始终偏贵呢，或许一大班人食就化算啲。
而家好多地方都开咗Freshlane，云集咗唔同高手在内，呢日去开旺角又开App睇吓，就见到有间叫「CHEF'š LABS」。
菜式选择都几多，而且亦有做到会服务。食物即叫即整，热辣辣送上，份量都几多，但当然价钱就唔算好平。
松露野菌忌廉汁扁意大利面($78)，扁意粉面条弹牙，松露野菌忌廉汁惹味得嚟，一啲都唔觉漏，佢另外仲加咗大量杂菇同洋葱，即使无肉都唔觉单调。
普罗旺斯式蚬意大利饭($88)，意大利饭口感正宗，即系有少少似生米，而唔系单用汁煮到湿晒。蚬选用大蚬，蚬肉鲜甜肥美，其他配料仲包括多种杂菜粒。
菠萝干咖哩烧鸡墨西哥烤饼($58)，墨西哥烤饼一客有六件，烤饼皮软熟，馅料层则唔算厚。菠萝干味道盖过咖哩味，所以整体偏甜，有啲似凤梨酥咁，我个人希望咖哩味重啲。
脆蟹肉薯丸($68)，炸脆薯丸外层脆卜卜，咬开真系见到一丝丝蟹肉，算真材实料，反而薯蓉就唔系塞到满。如果唔想干身，可以沾酱食啊。
总括嚟讲，外卖都食到精美西餐🍽，食物质素同卖相都唔会差过餐厅。不过扒类同海鲜𠮶啲，我就感觉始终偏贵呢，或许一大班人食就化算啲。
张贴
