SuperNormal (淘大商場2期)

营业中

休息中

星期日同女朋友喺九龙湾行完街，就决定喺度买埋外卖先返屋企食，因为屋企附近已重覆系咁食，同埋得茶记多。见淘大呢间Supernormal咁多人排队，估计应该几唔错，有信心保证。店员几好人，叫我哋慢慢拣，不过可能要等耐少少，因为比较多订单。等嘅时间我哋就去咗买糖水。我哋唔同类别嘅食物都嗌咗样，估唔到Packing有成六大盒！！！柚子猪手($168)，哇估唔到系骨肉分离咁放盒，超方便！猪手皮脆脆的，好好食，而且肉厚！点埋黄芥末食无得输😋。老实讲，食肉都饱，因为份量超多。条骨我女朋友拎返屋企比呀妈煲汤。白酒忌廉煮法国蓝青口($108)，唔好睇个外卖盒正常呎吋，其实都装到几多嘢，我估计有接近廿只青口，青口个壳唔系特别细，但青口肉就迷你啲。不过精华所在系个白酒忌廉汁，好Creamy好惹味！另外仲赠送咗两件焗蒜蓉包添，不过唔多汁两块点够喉呀？我哋额外再烘咗面包。经典烟肉卡邦尼扁意粉($86)，大路口味嘅意粉居然煮到几出色，平日最惊卡邦尼会好腻、好漏，呢碟啱啱好，而且扁意粉口感仲好弹牙添，每条独立分明。再者，份量都多，我咁大食，自己食呢盒应该都饱。烧墨鱼咀(2串)($32)，墨鱼咀好弹牙，烧无炸咁热气。