影片
更多
2021-06-26
203 浏览
第一次食评就献咗畀佢，要食嘅就自己考虑下食唔食啦，本身都谂住私下解决，点知餐厅将个责任推哂畀foodpanda，咁我都如实同大家讲返个情况。今日我同朋友两个人经foodpanda嗌咗个鳗鱼带子饭同埋三文鱼带子饭，嚟到鳗鱼饭少咗带子都算，已即时向foodpanda投诉送咗优惠卷。跟住食完后两个钟我哋两个都keep住有少少肠胃不适，我朋友最后连续呕咗四五次再疴水疴咗一次有脱水情况，我就呕咗一次呕返成个饭出嚟再keep住胃痛，即刻怀疑佢食物唔新鲜可能有菌消化唔到，所以call白车入院睇医生。之后立即先向foodpanda投诉，再向佢哋反映，佢哋查咗两个钟查完话我知佢哋收order后8分钟已整好，车手2分钟后到达拎餐，再8分钟后送到畀我哋，佢哋系cctv睇到foodpanda个车手冇将外卖放入保温箱，然后send埋条片畀我睇，话怀疑系电单车热力导致鱼生变坏，所以令我哋唔舒服。我问佢有冇提醒车手系鱼生唔可以放咁耐，佢话佢冇需要咁做，佢哋亦讲明认为系foodpanda车手问题，佢哋冇责任亦冇问题亦唔会有咩补偿，仲话全日得我哋有问题所以佢哋更加冇任何责任，已经好努力帮我哋找出问题㖞。我就对佢哋好失望
今日我同朋友两个人经foodpanda嗌咗个鳗鱼带子饭同埋三文鱼带子饭，嚟到鳗鱼饭少咗带子都算，已即时向foodpanda投诉送咗优惠卷。
跟住食完后两个钟我哋两个都keep住有少少肠胃不适，我朋友最后连续呕咗四五次再疴水疴咗一次有脱水情况，我就呕咗一次呕返成个饭出嚟再keep住胃痛，即刻怀疑佢食物唔新鲜可能有菌消化唔到，所以call白车入院睇医生。之后立即先向foodpanda投诉，再向佢哋反映，佢哋查咗两个钟查完话我知佢哋收order后8分钟已整好，车手2分钟后到达拎餐，再8分钟后送到畀我哋，佢哋系cctv睇到foodpanda个车手冇将外卖放入保温箱，然后send埋条片畀我睇，话怀疑系电单车热力导致鱼生变坏，所以令我哋唔舒服。
我问佢有冇提醒车手系鱼生唔可以放咁耐，佢话佢冇需要咁做，佢哋亦讲明认为系foodpanda车手问题，佢哋冇责任亦冇问题亦唔会有咩补偿，仲话全日得我哋有问题所以佢哋更加冇任何责任，已经好努力帮我哋找出问题㖞。我就对佢哋好失望，回应及处理手法亦都太差啦，食物质素都存疑。
我哋睇两个医生都已经讲哂畀医生知成个情况，佢哋都话两个钟就有反应未必关车手个8分钟事，可能系食物有隔夜已有菌，不过点讲餐厅都唔觉得系自己问题㗎啦。总之经医院已畀排泄物化验报食物中毒，亦会自行报埋食环。
可能真系我唔好彩啦，咁啱拣著间咁嘅餐厅同派著个咁嘅车手，所以最后我要为自己咁唔好彩而负责啦。我就建议大家无论外卖定堂食都考虑清楚啦，废事你都一个唔好彩食完有咩问题净系收到句sorry啊就算啦😖
张贴
