串 (已結業)

当无餐厅再开放堂食嘅时候，我地就揾下附近有咩外卖，闻到呢条街劲香串烧味，而且菜式都好吸引！一口气叫咗好多款串烧拎走慢慢叹～烧茄子系必叫的～逐条茄子肉撕出黎都有满满嘅蒜蓉香，好惹味，但偏辣～仲有啲烧粟米，翠肉瓜同秋葵等蔬菜，好味～蒜蓉娃娃菜同蒜蓉菇，一人一盒劲满足！肉类有台湾肠，好特别！鳗鱼都唔错～串烧必叫盐烧厚切牛脷，好juicy! 仲有金菇肥牛卷～香草羊架同滋味一口羊，有水准！肉质香嫩！除咗串烧，呢度仲有啲小食，有鸡泡鱼干，烧得几软熟～麻辣土豆丝，酸酸辣辣几开胃！拍青瓜，辣得过瘾！手撕鸡，都系偏辣，但好好味！