幸福鍋 (已結業)

呢几日天气冻，净系想留系屋企打边炉！醒起前几日经过太安楼，见到新开左一间台式打边炉餐厅，今日又想打边炉，就去左买佢既打边炉套餐返屋企。原本以为要用自己的煲同埋电磁炉，点知佢系所有材料pack好晒之外，仲连个煲同埋个炉都有埋，真系拎到返屋企舖好台，点著个炉就食得，简直系懒人之选，食完系完全唔洗洗任何野😂😂😂我叫左澳洲牛小排 海虾墨鱼滑鱼皮套餐，面拣左宽条薯粉，汤底系桃胶人参美人锅。牛小排好好食呀！佢唔大块，好滑，入口即溶，又好香牛味，推荐大家食呢度既牛小排！一份系唔够我食，好彩我醒目仲追加多一份🤪海虾都好大只，墨鱼滑好弹牙，好食过楼下街市买𠮶啲多多声。汤底好足料，真系食到有桃胶！宽条薯粉出面比较少食到，都好滑，我都钟意呢只面的口感。另外追加长蟹棒，以为得个名，点知名副其实，真心好长😂😂😂食落好鲜甜😇见到仲有另一款平少少既肥牛——美国牛板腱，于是叫埋，牛板腱系大块啲，个人都系钟意牛小排多啲。店员推介饮古早鲜橙茶，果然配火锅系唔错，可以解下油腻，加上唔太甜，比较健康。第一次打边炉外卖返屋企，原来可以咁方便，炉都准备埋，自备个打火机就得，买黎去露营都系唔错既选择。