吉野家 (已結業)

一向爱锡小肥o既会计小姐午后一听见细佬唉肚饿，转个身就落咗街，喺「吉野家」度买咗个下午茶餐返上公司 。二人同属牛魔王，见午餐大家都系食饭，所以佢就叫咗个「和风牛肉面」两份分，$26.5真系抵食过午市多多声 。和风牛肉面同平时中午饭盒一样，𩠌菜都分格摆放。当日o既和风牛肉水准同平时无异，快餐店黎讲绝对可以接受。反而底层o既公仔面五分钟不到已经索哂汤，变得又腍又胀 。既然「吉野家」可以谂到牛肉分格放，其实亦可以考虑分多格载汤，又或者将两格大小调整，面同𩠌放喺大啲o既上格内，而汤就放喺细咗o既下格内，以确保客人食用外卖时都能够欣赏食物最佳o既状态。