陳家菜 @Freshlane (樂基商業中心) (已結業)

前几日去开西营盘，路过Freshlane，我记得Freshlane入面有唔同嘅餐厅菜式可以order黎takeaway，于是我望左一阵个menu，就决定order呢间专售中菜嘅陈家菜返屋企做dinner。我地order左半只嘅秘制麻辣鸡煲同埋两碗白饭。半只嘅秘制麻辣鸡煲都差唔多装满左个盒，以百几蚊黎计，份量都算合理。值得欣赏嘅系呢个秘制麻辣鸡煲唔会话太重味，食完都唔算太口渴。辣度唔算太辣，但都几香几惹味，用黎送饭都唔错。另外仲有啲云耳同埋三色椒喺呢盒鸡煲入面，云耳同三色椒煮得好入味，值得一赞。白饭装到满满嘅一盒，压得好实所以其实有好多，每人食完一盒白饭都好够饱。饭粒软硬适中，唔错。