金記冰室 (康怡廣場北座)

营业中

休息中

听闻呢间冰室都小有名气，系附近睇完展览后就顺便去试下。环境都几有趣，餐厅天花板位置吊住红、蓝、绿色嘅胶箱，几有香港特色。-金砖风沙炸豆腐炸豆腐外皮好薄，咬落系韧而微脆，加上椒盐佐味，好香口。而内里豆腐好白滑清甜，入口好热辣辣，好滋味。-鲜茄浓汁焗猪扒饭猪扒饭味道都不错，整体做得几好，茄酱同蕃茄味道都新鲜。不过芝士如果再多啲就好啦，会更增添咸香。-XO酱猪扒炒乌冬炒乌冬出乎我意料地出色，铁板好够热，有时唔兜一兜仲会烧到㶶。猪扒好松软，咬落几腍，唔会太老身。配合埋炒乌冬，可能因为加入咗XO酱关系，唔会太干而且几入味。-热好立克好立克稍嫌太甜，落得太多粉，上枱个阵一捞就见到底部仲有一堆搅唔匀嘅粉。