影片
更多
2024-11-12
2458 浏览
隔咗成年有多，都无约啲晌同区工作嘅旧同学食吓饭，所以，夹到一日大家都方便就约出嚟聚一聚。以前大家都晌中环做嘢就比较方便，最近其中一位旧同学公司搬咗去金钟，就要度一度地点，结果揾到位于大会堂嘅「城中馆子」，正正喺大家嘅中间位。可能位置真喺有啲吊脚，上到嚟餐厅，应该喺饭市嘅高峰时间，但真喺唔多客，目测都喺5、6枱。然而环境其实几舒服，一室以白色为主调，感觉清新，而且，墙上挂咗一啲画作，有晒介绍，俨如一个小画廊。环境讲完，讲午餐选择，一个午市套餐餐牌睇晒，共有8款选择，视乎所拣嘅主菜嚟定价，价钱为$128-$228，包埋是日餐汤、餐包、餐饮，可以额外加配小食、甜品。其实以中环一般食晏计，确实唔平，但计及环境舒服，方便坐耐啲倾吓偈，又唔同。罗宋汤+丹麦酥我哋不约而同餐汤都喺拣罗宋汤，因为贪佢健康啲，材料又丰富啲，确实味道方便酸香醒胃，里面又多蔬菜，带微微辣，确喺几好饮；而餐包喺类似迷你嘅丹麦酥，虽然无话有咩馅，但喺入口酥香脆口。日式咖哩鱼柳饭 $128挂住倾偈，大谈往事，影漏咗一个旧同学嘅海南鸡饭，而另一位旧同学就选咗呢个咖喱鱼柳。因为喺日式咖喱关系，所以，只喺微微辣，带点甜味，不过，佢话就几
可能位置真喺有啲吊脚，上到嚟餐厅，应该喺饭市嘅高峰时间，但真喺唔多客，目测都喺5、6枱。然而环境其实几舒服，一室以白色为主调，感觉清新，而且，墙上挂咗一啲画作，有晒介绍，俨如一个小画廊。
环境讲完，讲午餐选择，一个午市套餐餐牌睇晒，共有8款选择，视乎所拣嘅主菜嚟定价，价钱为$128-$228，包埋是日餐汤、餐包、餐饮，可以额外加配小食、甜品。其实以中环一般食晏计，确实唔平，但计及环境舒服，方便坐耐啲倾吓偈，又唔同。
罗宋汤+丹麦酥我哋不约而同餐汤都喺拣罗宋汤，因为贪佢健康啲，材料又丰富啲，确实味道方便酸香醒胃，里面又多蔬菜，带微微辣，确喺几好饮；而餐包喺类似迷你嘅丹麦酥，虽然无话有咩馅，但喺入口酥香脆口。
日式咖哩鱼柳饭 $128挂住倾偈，大谈往事，影漏咗一个旧同学嘅海南鸡饭，而另一位旧同学就选咗呢个咖喱鱼柳。因为喺日式咖喱关系，所以，只喺微微辣，带点甜味，不过，佢话就几香。虽然唔知用咩鱼柳，但除咗超大件之外，炸得金黄，外脆内嫩，意外地又好有鱼嘅鲜甜味，同学就话最钟意佢无将啲汁淋落鱼柳度，否则整腍晒啲「脆皮」。
海鲜鸡汤淮山面 $128小弟就想湿湿哋食碗汤面，加上呢道菜喺海鲜，又用健康嘅淮山面，梗喺拣佢啦。嚟都嘅成品睇落几唔错㖞，至少啲海鲜料好有睇头，唔单止唔喺碎湿湿，而且，啲大虾、大蚬食落都喺靓货，唔喺雪藏嘢，有鲜味，而个清鸡汤清澈鲜甜，淮山面入口好滑溜，真喺拣啱咗。
即磨咖啡餐饮就无搞咩特别嘢啦，简简单单要杯即磨咖啡就算，啲咖啡豆应该靓货，因为送到嚟已经闻到阵阵咖啡香，入口好香醇，啲奶又座热过。餐后叹杯咖啡，确喺非常舒服。
虽然话就话食晏得一个钟，但喺好彩我哋嘅公司喺食晏时间上都唔会话好紧，等我哋可以再倾多几句先散水。旧同学聚聚旧勾起唔少往事，难得仲有联系，实在喺一份恩典。
张贴
