蠔站 (永昇中心)

营业中

休息中

去过佢嘅几间分店食蚝，今次去天后做嘢，见到呢间新开张分店，装修风格大致相同，食物质素保持水准。今日$10特价蚝系南非蚝，尺寸中型，食落都算厚身，少少creamy, 蚝味还可以，海水味偏重少少，呢个价钱来讲性价比都算高。黄金软壳蟹天使面，软壳蟹炸得几松脆，又帮我分咗三份，方便两个人分嚟食，天使面份量都算唔少。蒜蓉包水准几高，面包焗的时间刚好，加少少芝士系面，同蒜蓉混合一齐，增加层次感。如果加埋汤一齐食我相信会更加好。饭后甜品，意大利芝士饼，唔会太苦涩，亦唔会太湿，我反而几钟意呢种口感嘅 tiramisu 。