金記冰室 (香港仔中心3期)

营业中

休息中

其实本身谂住去马会买张六合彩，点知原来马会已经执咗，变咗呢间冰室，咁就入去填吓肚。等紧位嘅时候见到佢啲蛋挞好吸引，坐低即刻叫半打孝敬家人，三个牛油、三个酥皮。好彩叫得快，另一枱客人迟我哋5分钟叫，已经卖晒。佢嘅蛋挞，放咗几个钟先食，依然好脆，欣赏佢嘅蛋唔会太甜。包装得体，买去朋友屋企作客都见得人。呢间冰室好大，够阔，坐得好舒服。老公叫咗个炸鸡髀配迷你西多，佢哋鸡髀可能系我暂时食过最欣赏，因为皮脆肉滑！配埋杯柠乐，真系好爽！佢食物嘅选择真系好多，我哋仲叫咗个铁板西冷，牛扒厚度适中，肉好嫩，大大块好抵食，配粉、意粉或薯菜都得！又有几款汁拣而干炒牛河都好够镬气，但又唔会太油最后见到佢个特别Menu有个冰镇猪手，少少麻，唔会太辣，好弹牙。食咁多野，$300有找，超值。