麥奀雲吞麵世家 (威靈頓街)

营业中

休息中

近日胃口麻麻地可能因为中秋节过后食滞咗！又到食晏时间总应该食啲野。来到中环见客大把美食。本来心思思好想食印度野但系约咗客人饮嘢，就唯有来一个快食。见到「麦奀」，就知道唔使check都会有信心保证。唔知系唔系心理作用我觉得中环呢一间特别好味。如果我在第二区我就未必食云吞面，可能因为呢度嘅老员工服务态度殷切。见到佢哋两文三语招呼客人，我觉得佢哋仍然发挥咗香港嘅吸引力。同平时一样，呢间铺头都会有老外特登嚟呢度食，仲见到有人同煮面师傅影相打卡。虽然$42一碗小小的云吞面对于其他人来讲未必够饱，对于我来讲就已经好满足。仍然冇变嘅系面质弹牙爽口、虾够鲜味且大小适中、汤底够浓。本来想叫多一碗但系已经食唔落。