影片
更多
2023-02-09
1552 浏览
好耐冇嚟朗豪坊，行完之后去4楼food court揾嘢食。见到呢间十十川沪料理，俾个名吸入左入去试一试。店内装修光猛，空间尚算宽敞，坐得舒服。餐牌选择多，有多种上海菜同四川菜食品选择。由于唔想谂嘅关系，就叫咗一个干锅二人餐，有酸辣小木耳、凉拌莴笋丝、杂锦小笼包、清炒莴笋丝、干鸡窝、青苹果梳打同埋一杯芒果百香果梳打。首先嚟嘅系两味前菜：酸辣小木耳同埋凉拌莴笋丝。木耳酸度刚好，开胃一流。莴笋丝充满麻油味，十分爽甜。跟住系杂锦小笼包。有四只颜色，唔代表四只唔同口味嘅小笼包。原味小笼包肉汁鲜甜，猪肉甘香。绿色嘅系酸菜鱼小笼包，的确有食酸菜鱼嘅感觉，系比较新鲜嘅体验。红色嘅系酸辣小笼包， 馅料有加咗蕃茄嘅猪肉，食落开胃。仲有就系金黄流沙小笼包，肉汤的咸蛋黄既香味。跟住嚟嘅系清炒莴笋丝。上枱热辣辣，加上麻油同埋菇类，好食到唔停得口。重头戏就系干鸡㖞。嚟嘅时候真系吓一跳，首先系份量好多，除咗鸡件外，仲有莲藕片、薯粉、辣椒、波浪薯条同埋莴笋件等等。叫咗走麻，鸡件入味，就算鸡胸都好滑。莲藕片同埋薯条朔晒辣汁，食落好过瘾，而整个锅辣度刚刚好。食辣嘢嘅同时，老婆就饮一杯青苹果梳打，淡淡的苹果味加上多气嘅梳打
好耐冇嚟朗豪坊，行完之后去4楼food court揾嘢食。见到呢间十十川沪料理，俾个名吸入左入去试一试。
店内装修光猛，空间尚算宽敞，坐得舒服。
餐牌选择多，有多种上海菜同四川菜食品选择。
由于唔想谂嘅关系，就叫咗一个干锅二人餐，有酸辣小木耳、凉拌莴笋丝、杂锦小笼包、清炒莴笋丝、干鸡窝、青苹果梳打同埋一杯芒果百香果梳打。
首先嚟嘅系两味前菜：酸辣小木耳同埋凉拌莴笋丝。木耳酸度刚好，开胃一流。莴笋丝充满麻油味，十分爽甜。
跟住系杂锦小笼包。有四只颜色，唔代表四只唔同口味嘅小笼包。原味小笼包肉汁鲜甜，猪肉甘香。绿色嘅系酸菜鱼小笼包，的确有食酸菜鱼嘅感觉，系比较新鲜嘅体验。红色嘅系酸辣小笼包， 馅料有加咗蕃茄嘅猪肉，食落开胃。仲有就系金黄流沙小笼包，肉汤的咸蛋黄既香味。
跟住嚟嘅系清炒莴笋丝。上枱热辣辣，加上麻油同埋菇类，好食到唔停得口。
重头戏就系干鸡㖞。嚟嘅时候真系吓一跳，首先系份量好多，除咗鸡件外，仲有莲藕片、薯粉、辣椒、波浪薯条同埋莴笋件等等。叫咗走麻，鸡件入味，就算鸡胸都好滑。莲藕片同埋薯条朔晒辣汁，食落好过瘾，而整个锅辣度刚刚好。
食辣嘢嘅同时，老婆就饮一杯青苹果梳打，淡淡的苹果味加上多气嘅梳打，解辣一流。我就饮芒果百香果梳打，唔会太甜得黎又多汽，为整餐饭画上完美句号。
最后埋单五百几，以呢个价钱食到嘅嘢来讲都算经济，加上味道唔错，应该会再嚟。
张贴
