茶舍 (景福街)

营业中

休息中

约咗阿女去新蒲岗食饭，点知佢有事仲未放工，叫我买外卖返屋企食，知道附近有间餐厅，之前食过味道唔错。茶舍是一间食物多元化的茶餐厅，套餐仲有热饮送。菠萝鲜茄三层焗猪扒饭：焗饭即叫即焗，猪扒厚身之余十分爽嫩，炒饭用上丝苗米加鸡蛋炒底，茄汁甜中带酸，无论味道和口感也有丰富层次。鱼籽三文鱼蛋炒饭：用咗三文鱼、鱼籽和蛋炒饭，每粒饭都裹上蛋汁，粒粒分明入口更充满蛋香，加埋鱼籽同三文鱼，提升口感又增添鲜味。香浓茄汁鲜虾蚬扁意粉：大虾弹牙，蚬肉鲜甜冇沙，扁意粉软硬适中，挂上浓郁嘅酱汁，十分惹味。晚餐有热饮送，热奶茶口感顺滑，茶和奶都香浓。