滿屋日本料理 (大鴻輝(荃灣)中心) (已結業)

大鸿辉一如既往咁多人排队搭䢂，10楼满屋入到都有啲人等紧，好彩有book位好快就入得。放题点餐纸有A-N 14款，另外有入座时一人一张雪糕纸，可拣一款H/D/M l既雪糕。坐低第一步做既就系叫刺身同靓寿司 🤣 芝士鳗鱼同左口鱼都好好食，我暖尾仲Encall左左口寿司四件添 😋 刺身方面都几新鲜，唔会雪到冰晒，放题黎讲水准唔错，甜虾仲好大只！特别想讲下佢地入左啲台湾制既饮品，果罐珍奶系我中学回忆 😂 个可可超香浓，唔甜，好厚既朱古力好正，果然系73% dark。炸物特别想讲天妇罗同炸蚝都好香唔厚粉。HDM紧系拣H啦！是日味道有个日日唔同，就叫左mango raspberry。包罗万有星期一至三都系248位，性价比都几好。