影片
更多
2020-02-24
91 浏览
呢间日式餐厅有好多唔同既野食 饭面都有 而且仲有好多唔同既小食 睇落价钱又唔太贵 就想入去试试😋店铺唔算好大 但我去果阵唔太多人 都坐得舒服😌 呢到真系好多野食拣 林林总总 咖哩呀拉面呀乜都有 最后就决定同朋友叫个二人餐 唔洗烦🤣我地叫左个鳗鱼饭同猪软骨拉面鳗鱼饭有两块鳗鱼 有捞埋鳗鱼汁甜甜地咁不过稍为有啲骨 食既时候要小心🥺唔好见佢便当咁厚底吓亲 原来都系比较浅 唔算超多饭唔会食唔哂至于拉面系需要+$15嘅猪软骨拉面，份量足，有好多昆布，有啲芽菜粟米配搭我都几钟意。鸡蛋就大约七成熟，汤底方面就系正常嘅味增汤底，面条软硬适中，唔会太淋。猪软骨唔太重其他另外嘅调味，系吸左汤底嘅味道。而小食芝士年糕算系一个惊喜，一黎到卖相已经攞满分，非常吸引嘅金黄色，算系几大件。一咬落去仲系热辣辣，入面嘅流心芝士香浓，亦唔会太过重口味，加埋少少烟韧嘅口感，算系非常唔错嘅一道小食，芝士爱好者必点！之后仲叫左牛油炒草菇 食落都几香口 不过要预左比较多油 唔中意咁油就唔好叫呢样小食啦最后叫左牛舌 热热地咁食加埋柠檬汁好味好香 但冻得好快 所以记得要衬热食啊！牛舌系比较薄身既 都有7片 份量都ok
店铺唔算好大 但我去果阵唔太多人 都坐得舒服😌
呢到真系好多野食拣 林林总总 咖哩呀拉面呀乜都有 最后就决定同朋友叫个二人餐 唔洗烦🤣
我地叫左个鳗鱼饭同猪软骨拉面鳗鱼饭有两块鳗鱼 有捞埋鳗鱼汁甜甜地咁
不过稍为有啲骨 食既时候要小心🥺唔好见佢便当咁厚底吓亲 原来都系比较浅 唔算超多饭唔会食唔哂
至于拉面系需要+$15嘅猪软骨拉面，份量足，有好多昆布，有啲芽菜粟米配搭我都几钟意。鸡蛋就大约七成熟，汤底方面就系正常嘅味增汤底，面条软硬适中，唔会太淋。猪软骨唔太重其他另外嘅调味，系吸左汤底嘅味道。
而小食芝士年糕算系一个惊喜，一黎到卖相已经攞满分，非常吸引嘅金黄色，算系几大件。一咬落去仲系热辣辣，入面嘅流心芝士香浓，亦唔会太过重口味，加埋少少烟韧嘅口感，算系非常唔错嘅一道小食，芝士爱好者必点！
之后仲叫左牛油炒草菇 食落都几香口 不过要预左比较多油 唔中意咁油就唔好叫呢样小食啦
最后叫左牛舌 热热地咁食加埋柠檬汁好味好香 但冻得好快 所以记得要衬热食啊！牛舌系比较薄身既 都有7片 份量都ok
张贴
