富山居 (裝修中)

大埔又有新餐厅呀，对我黎讲梗系一大乐事啦，因为我又有好嘢食啦🥳今日仲开心，因为见到餐厅门口痴咗张大海报写住只要社交平台赞好再加一蚊鸡就可以有板烧蒜香牛油烧龙虾半只，咁笋嘅嘢梗系要食啦🤤由于本人好钟意食沙律，因为可以清一清个肠胃又开胃，所以拣咗蟹子沙律🥗你见到啲蟹子同埋青瓜丝同蟹柳丝沟埋一齐，再加埋个沙律酱，真系好味道冇得顶🤭然后叫咗个餐厅必食嘅十胜厚切猪扒餐，有汤又有个沙律仔食，抵👍🏻重点系个猪扒grill 地劲香，又有少少肥猪肉一齐食，最重要系个调味我好喜欢💕叫多个小食芝士焗天火蚝，仲有啲洋葱同少少烟肉，焗出嚟好好味呀👏🏻