焰淑泰國餐廳 (已結業)

每次等巴士都会经过呢间泰国餐厅，今日终于同朋友去试一试先。位置好阔落，仲有卡位坐添。食物选择都够多，如果唔想烦谂食咩，可以拣2人餐/4人餐，多人仲可以拣8人餐。不过我地想拣自己钟意食嘅嘢，都系拣散叫。小食炸虾饼炸得金黄又香脆，虾肉新鲜，爽口又弹牙，入口热辣辣，厨师仲好细心每件分开一半，方便进食。钟意仲可以加少少酸甜汁。原个椰青海鲜焗饭，呢个制作需时，所以想点要预先叫定，不过都其实都好快上台，10分钟左右已经有得食，上台已经闻到好香椰子味，以椰青的外壳装住饭，整个饭都充满椰香味，味道清香不太浓烈，虽然个饭系充满椰浆，不过一啲都唔觉腻。海鲜青口放左喺饭上面，超吸睛！另外饭内都仲有虾、鱿鱼，材料丰富。咖喱款式都有好多款，有绿咖喱、红咖喱、黄咖喱、马沙文咖喱...不过店面话如果我哋唔系好食得辣可以拣黄咖喱，所以我哋拣左个黄咖喱鸡，好有椰香味，咖喱质感恰到好处，唔会太杰，唔会太稀，鸡肉嫩滑，而且好入味，个汁送饭或者点印度薄饼真系一绝。烧牛肉半生熟，烧得很香，牛肉都几够嫩。份量又够，加埋个酸辣汁别有一番风味。马拉盏炒通菜炒得好香，够晒镬气，好惹味。马拉盏唔会太辣，啱晒唔太食得辣嘅朋友。整体成餐饭都