牛舞日本燒肉‧涮涮鍋放題 (1亞太中心) (已結業)

今日收工唔知食咩走咗去食烧肉同打边炉，以我认知香港应该剩系得牛舞先可以两样嘢同时进行，餐厅提供三款套餐价钱，自己拣咗中间价位嘅美国极上牛肉放题。坐低之后就出去睇吓有乜嘢食，自助吧提供炸鱼皮、炸饺子、炸薯条、关东煮、咖喱牛肉、火锅食物等等，另外仲有几款甜品同生果提供。汤底有三款提供自己拣咗黑松露牛骨汤底，黑松露汤底味道劲浓郁，跟餐附送嘅牛肉拼盘有唔同部位嘅牛肉，有部份牛肉已经腌好味，放上铁网烧完就食得。海鲜有多款提供，虎虾最正大只又弹牙。除咗有得打边炉同烧烤同时进行，餐厅仲有几款饭、炸物、串烧同寿司提供，所以食物种类非常多元化。