焱丸水產 (已結業)

今日经过铜锣湾伊利沙伯大厦后街，突然闻到阵阵嘅烧海鲜味道，原来呢道开咗间日式矶烧餐厅。又差唔多食饭嘅时间，所以就入去试吓。麻酱沙律豆腐沙律，新鲜嘅野菜加小蕃茄，加埋中间仲配埋栗米片，令到口感有多一层次。配上带酸嘅麻酱，都几开胃。大虾矶烧-大虎虾非常大只，长度比我只手掌仲要长，烧嘅时候加少少酱油，令味道更鲜味。露荀烟肉牛油烧-呢道菜主要系用焗嘅方式，所以露荀嘅清甜味一啲都冇走失，加上烟肉嘅熏香味同埋牛油味，呢个配搭我个人觉得都唔错，如果份量大啲就更好。白桃梳打-食矶烧就紧系要配特饮，白桃味香不过又唔会太甜，系夏天消暑嘅恩物。蚝锅饭-材料有三色椒加上洋葱，加上大大只嘅蚝配上味道带甜的蚝汁，呢个饭真系蚝味十足，份量都有两碗饭咁多，所以记得留肚食。