新南苑雞煲小菜點心 (已結業)

我谂大家茶餐厅都食得多，但系如果集合咁多种食物：港式美食、中式小炒、家常小菜、鸡煲火锅、水煮鱼、煲仔饭、点心⋯真系讲得出嘅地道菜式都有，呢间「新南苑」真系卧虎藏龙，有啲惊喜。今晚就点咗几个小菜：剁椒蒸鱼云🐟切碎嘅辣椒🌶️令到成碟𩠌唔算太辣，鱼肉非常滑身，系个汁略嫌咸咗少少🤏🏻，钟意食浓味嘅朋友可以试吓。我觉得最惊喜系有肠粉做配菜，烟烟韧韧有口感。椒盐鲜鱿炸到脆卜卜嘅外皮，都无阻鱿鱼🦑嘅弹牙，加上少少香葱，非常惹味。重点系份量都几多，椒盐鲜鱿用嚟送饭真系一流。虾酱通菜炒牛肉通菜爽口、牛肉嫩滑，同虾酱简直系完美嘅配搭。本身天气热热地都唔想食太多饭，遇上呢个𩠌真系白饭都食多两啖。整体来讲啲小菜都系水准之作，不过味道比较浓郁。如果钟意食清淡嘅朋友不妨试吓叫几个点心，餐厅点心嘅款式都好多。一大班人仲可以试埋鸡煲，之后黎个打边炉都唔错。环境都企理干净，重点系价钱唔算贵，两个人叫咗三个小菜、两碗白饭、两杯港式特饮埋单都只系二百几。