三五碗車仔麵

营业中

休息中

是晚好大雨，同朋友交收完揾个地方食野，见有间叫三五碗车仔面店，店员热情拉客，就试下佢啦。睇睇餐牌，除左车仔面，仲有串烧、捞面、小食等，都几多选择。⭐车仔三𩠌面自己点左三𩠌面，拣左卤水猪大肠、菜肉云吞、扁尖笋，汤底就要左招牌胡麻辣汤同米粉，上枱时闻到好香，汤头咸鲜微辣啱口味㖞，米粉吸左汤汁好好味😋⭐口水鸡油渣重庆酸辣粉朋友拣左油渣面，重庆汤底酸酸辣辣好开胃，猪油渣炸得酥脆香口几正呀。口水鸡鸡肉嫩滑，但口味有点怪，用上口水鸡汁又加了芝麻酱，辣得黎又有沙律感觉，哈哈，好特别㖞😆⭐炸洋葱圈朋友至爱炸洋葱圈，即叫即炸够好香脆👍⭐烧羊架烧 & ⭐五花腩串仲叫左串烧添，羊架肉嫩有酥香，五花腩猪油甘香好正🤤⭐烧生蚝制作需时的烧生蚝姗姗来迟，见佢大大只蚝肉饱满仲劲有蒜香，食落鲜嫩多汁好正呀😍⭐冻阿华田 & ⭐冻好立克食重口味野梗系要配返杯甜甜嘅冻饮啦，冲得够浓，好饮。食左咁多野好饱好满足呀。